A lo largo de la vida conocemos a muchas personas, algunas pasan de lado en un día, en cambio a otras las tenemos para toda la vida, siempre en nuestros pensamientos y corazón. Este es el mayor regalo y prueba evidente de la amistad.

El Papa:  “El sida no se puede superar con la distribución de preservativos que, al contrario, aumentan los problemas”

Europa Laica: “Su no al condón provoca la muerte de miles de niños por SIDA, eso sin contar los casos de pederastia entre el clero”

SUMANDO IDEAS PARA O  SOCIALISMO GALEGO

Os socialistas galegos debemos facer unha profunda reflexión sobre a mensaxe que a cidadanía de Galicia nos transmitiu o pasado 1-M, e ao tempo dar un paso adiante.

Facelo esíxenos lembrar e defender os avances acadados nestes catro anos, pero tamén recoñecer e emendar os erros cometidos na nosa acción política.

Non debemos esquecer que máis de medio millón de galegas e galegos depositaron a súa confianza no proxecto dos socialistas de Galicia. Merecen atopar en nós un novo camiño e unha proposta maioritaria, de presente e de futuro, que canalice as inquedanzas dunha parte moi importante da sociedade galega.

Esta confianza tamén nos esixe un esforzo encamiñado a consolidar e aumentar o apoio recibido, a ensanchar e converter ao PSdeG-PSOE nun partido maioritario, forte e con grande presenza na sociedade galega, representativo da maioría social do noso país.

Para isto necesitamos facer unha serena pero profunda renovación das estruturas organizativas e do modelo de partido, co obxecto de facer posible a extensión e penetración do PSdeG no conxunto do territorio e nas redes sociais e económicas de Galicia, estando presente en tódolos ámbitos da sociedade galega e potenciando o papel dos/as militantes socialistas, da súa participación interna e externa, como verdadeiros activos do noso proxecto político. O PSdeG ten que ser un bo reflexo da maioría social deste país.

Como primeiro paso aspiramos a fomentar un debate de ideas e propostas de cara ó Congreso Extraordinario do 25 de Abril, onde teñan cabida a autocrítica e a discrepancia, pero afastándonos de actitudes cainitas e sen permitir que a dereita marque os nosos debates e a nosa axenda política.

Queremos facer do PSdeG un partido forte, sen complexos, asentado nos valores do socialismo democrático cun proxecto autónomo. Ser a referencia galega da esquerda, alí onde se ubican milleiros de cidadás e cidadáns do noso país que cren na liberdade, na igualdade, na solidariedade e na xustiza social.

A través deste manifesto pretendemos promover o debate e o contraste de alternativas. Facemos un chamamento á participación colectiva de toda a militancia e da cidadanía para fortalecer un proxecto socialista que se asente na defensa coherente e decidida dos principios e os valores progresistas que vertebran o conxunto das democracias avanzadas.

Para nós falar do socialismo galego equivale a defender unha sociedade cunha universal igualdade de oportunidades, independentemente das nosas diferentes orixes sociais; plena liberdade para exercelas, suprimindo todas as barreiras que as impiden ou dificultan; e coa férrea xenerosidade e solidariedade de todo o País cando a oportunidade deriva en dificultade.

O socialismo e o galeguismo son e seguirán sendo referencias ideolóxicas esenciais do PSdeG e das que deben partir as políticas e propostas da nosa acción política.

A defensa dos servizos públicos ten que ser unha prioridade, facendo posible unha sanidade pública que compatibilice a atención sanitaria de calidade cos dereitos de atención ao paciente e apostando por unha educación pública de calidade, nun país no que o ensino sirva para acadar unha sociedade libre, crítica, con sólidos valores democráticos e altas oportunidades de progreso.

Falamos dunha educación pública na que as bolsas favorezan a igualdade de oportunidades e na que o relevante non sexan a vestimenta que leven as nenas e os nenos no centro escolar, senón a calidade da educación que reciben.

Unha Galicia políglota, na que se eduque aos nosos fillos/as en galego e castelán, garantindo o coñecemento e correcto uso de ambas linguas ó rematar o ensino obrigatorio e aberta á incorporación de terceiras linguas. Un País sen divisións entre iguais nin imposicións e onde a nosa cultura sexa unha importante oportunidade de proxección exterior.

Queremos unha sociedade cunha envexable calidade democrática, con regras de xogo claramente definidas na relación dos responsables políticos cos poderes económicos e na regulación  transparente das axudas públicas ó mercado da información e da comunicación, onde a reforma dos medios públicos de comunicación sexa unha prioridade política e social.

Conseguilo require dun partido mellor conectado coa sociedade: capaz de incorporar as voces e as vontades progresistas presentes na sociedade civil, e onde a militancia, o maior activo do noso proxecto político, asuma maior protagonismo e impulse o partido co seu traballo, a súa capacidade e a súa ilusión.

Pola gran responsabilidade que o tempo nos depara, para cumprir coas expectativas postas na labor de oposición e para sermos alternativa crible de goberno, necesitamos de experiencia e renovación. Temos que asumir como propias as novas realidades sociais, sumar a achega da valiosa experiencia institucional que o noso partido atesoura e facer efectiva a incorporación das xeracións máis novas.

É a hora de ofrecerlle á sociedade galega un proxecto socialista maioritario e renovado, un proxecto ilusionante, que marque novas metas para transformar a fondo Galicia. É a hora de traballar todos xuntos, unidos, sumando ideas para o socialismo galego!

Que comece o debate!

http://sumandoideas.net/

Despois do día en que a cidadanía elixe ao goberno cabe reflexionar sobre o realizado, o que eliximos e o que queremos.

A sociedade galega elixiu a Feijoo para presidir a Xunta de Galicia, decisión que respecto. Pero non sei se saberá gobernar este país alguén que descoñece o que ten que facer. Por suposto, refírome ao coche utilizado durante tres anos polo presidente do PP en Galicia. Él centrou as súas declaracións de campaña nos coches e agora resulta que non declarou o seu.

Se este é o comezo, ¿cal será o fin?.

¿Por qué alguien que ya estuvo gobernando en Galicia y al que la sociedad gallega no eligió de nuevo, se vuelve a presentar?

O outro día estiven nun debate na cadea COPE co Presidente de Novas Xeracións de Pontevedra, a verdade é que Pedro me cae ben pero non entendo o seu partido.

 Estou seguro que non son a única persoa que non entende a Núñez Feijoo e a súa forma de facer política. Sempre claro, que se poida chamar política as artimañas que utiliza continuamente nos medios de comunicación.

 A última son as declaración recollidas no ABC, por certo realizadas en Madrid e non dende ningunha cidade galega, supoño que será porque cada día que pasa ve máis cerca o despacho na calle Xénova que en Monte Pío.

 As declaracións realizadas son unha mostra máis que o único importante para Feijoo´09 é desprestixiar a Touriño, e non lle importa a situación económica actual. Xa que en vez de facer unha campaña con ideas para mellorar Galicia, fai unha campaña para que a mocidade e a sociedade galega non vaian votar o 1 de marzo.

 ¿Cómo pode falar do voto exterior desta maneira? ¿Cómo pode falar o PP do voto irregular de emigrantes? ¿Cómo pode falar de transparencia o señor Feijoo?.

 As respostas a estas preguntas as coñecemos todos, por isto non entendo o PP nin a Feijoo.

Co gallo do DIA DAS LETRAS GALEGAS , a Agrupación Socialista Coruñesa convoca o Premio Literario “ Narra Breve “ 2009.

1.      Poderán participar nel  as persoas maiores de 18 anos da Comunidade Autónoma Galega.

2.      A extensión mínima dos traballos será de 3 folios Din-A4 e máximo de 5. Deberán estar escritos en galego, a máquina ou a ordenador por unha soa cara a dobre espazo. O tema será libre. Tamén poderán ser enviados por e- mail a narrabreve@gmail.com

3.      Os traballos orixinais poderán enviarse :

a/  Por correo postal á sede da Agrupación ( sita na Avda Xeneral Sanjurjo, nº 38-1º, 15006 A Coruña), en sobre pechado, sen remite, en cuxo interior presentarase, ademais, unha plica, tamén pechada, que reseñará no exterior o título da obra e no interior conterá o nome e apelidos do autor ou autora, enderezo e teléfono, axuntando fotocopia do D.N.I. ou documento equivalente, acreditativo da idade.

b/ Por correo electrónico, en cuxo caso, os datos do autor ou autora deberán ser enviados,  como no caso anterior, por correo postal á sede da Agrupación en sobre pechado, sen remite en cuxo interior presentarase unha plica, tamén pechada, que reseñará no exterior  o título da obra remitida por e-mail, e no interior conterá o nome e apelidos do autor ou autora, enderezo e teléfono, axuntando fotocopia do D.N.I. ou documento equivalente, acreditativo da idade.

4.      O prazo de presentación dos traballos rematará o día 31 de abril de 2009, e o fallo do xurado farase público o día 15 de maio do mesmo ano. A decisión do xurado é inapelable.

5.      Establécese un só primeiro premio cunha dotación económica de 500 euros e Diploma de Honra. De consideralo oportuno, o xurado podería conceder un ou varios Diplomas de Honra segundo a calidade dos traballos presentados. Tamén poderá declarar deserto o premio.

6.      A entrega de premios será o día 22 de maio de 2009 ás 20 horas na sede da Agrupación.

7.      O xurado está composto por destacadas personalidades do mundo da cultura galega e por membros do Comité Organizador.

8.      Os traballos premiados quedarán en poder da Organización. O participante renuncia a calquera remuneración polos seus dereitos de autor. Os demais traballos serán devoltos ós autores que os reclamen antes do 10 de xuño de 2009. Poderán recollelos na sede da Agrupación.

9.      A Organización do Certame resérvase o dereito de publicar os traballos premiados unha vez teña obra suficiente para facelo.

10.  A participación do Premio implica a aceptación destas Bases.

                                                               www.psoecoruna.org